واجب علينا
الوطن فى قلبى سكن
م الميلاد وطول الزمن
حوط حوالينا لفنا
مسح بحب علينا وحضن
نيله عروقنا ودمنا
شمسه دفانا ولحمنا
شم الهوى تلاقيه دوا
أرضه كنوز وخير ربنا
الوطن ده مش حب لفرد
ده الوطن أرض ودم وعرض
كمان النبى بيوصى عليه
حب الوطن عبادة وفرض
الوطن ده واجب نحميه
م الأيادى إل راح تأذيه
كل السلام لجنودنا بجد
إل يخون بتقضى عليه
فى سينا جنودنا أسود
والبطولة مالها حدود
أقسموا ما فيها يسيبوا
أى إر هابى أو حقود
علم ولادنا حب البلد
من أجل خير وعز يتولد
علم كمان كتاب ربنا
حتى نشوف شبابنا اتوجد
كلمات / طلعت مصطفى العواد
