إيه يعنى ؟
لو كانت الدنيا زحمة
وغليت أسعار اللحمة
إيه يعنى ؟
لو ما لقيت شوربة
أو حتة شحمة
إيه يعنى ؟
إنت ومراتك إسمعنى
إضربها طناش
ده قلبى يا خويا وجعنى
من عيل فى الكلية
عاوز فلوس م إل هيه
وكمان النور والميه
والإيد ما فيهاش
ماله الفول والطعمية
واشرب كوز الميه
واضرع تضريعة م إل هيه
كده زى وحش البريه
ده الدنيا ما تسواش
كبر مخك شوية
م العكننة دية
وقل يا الله يا الله
هتلاقى الصحة ميه لميه
وتقول يابلاش
كلمات / طلعت العواد
المزيد للكاتب: سلوك سيىء حول بيت من بيوت الله.. بقلم /طلعت العواد
على رايك اخى طلعت ايه يعنى اضربها صرمة واتمتطع وجيوبك فاضية وقول ايه يعنى وايه يعنى تطلع الجبل وتقول وصلت القمة تزحلق وتطلع من جديد وهكذا اهى رياضة
تحياتى اخى طلعت وايه يعنى اهو داه حال الدنيا والغريب ان الانسان بيبرر الفلك وتيجى تكلمه يقول ايه يعنى