وين الحق
كلمات / طلعت العواد
ماله قليل الدم أبو عين قارحة
ساحب جيوش النمل ع الطرحة
لونه عجب شكله بعيد برانى
حالف يدوس زرعى ويخنق الفرحة
جانا يقول أمرى صدر من بدرى
من غير جناية ولاشكاية مخلوق
توب الجريمة تلبسيه ما تدرى
إوعى تقول يانا ولا تتكلم
تشيل العصايا لأ ولا تتعلم
ضرب الفشك لك يتمنع من تانى
واحدف عليك ذرى حذارى تتألم
دق الخشب جهز وهات التابوت
لازم خصمى كده يلاقى الموت
من غير محاكم ولا دساتير ولّع
هى كبيرة الكل فشر الأخطبوط
كيّل وعيّر للحبيب المعجب
واضرب بيوت الفقير المتعب
طبطب على جارتى بحرقة قوى
ودمدم على البيت هيله وترّب
بص شوف خلايق الدنيا بتهاتى
تنطق بكل لهجة تناجى العاطى
ارحع لربك توب كده واستغفر
والشهيد غيره مليون شهيد ما يطاطى
تأليف /طلعت العواد
ذات صلة: أيهما ينتصر قسوة البرد أم الروح.. بقلم / طلعت العواد
