الحدود
____________
أمرنى أبويا وقبلى
امروه الجدود
أرضك وعرضك يا ولدى
والمحافظة على الحدود
يمكن يا ابنى ننتشر
فى الأرض يوم والخير يعود
تعالى بعزيمة وبجلد
نعمل من الجبهه بلد
نصد كيد المعتدى ونعلمه
إن التراب من غلاوة الولد
حب الوطن لو عقم فيه عند الرجال
بالإقامه على الحدود راح يتولد
هوا مين المعتدى
عشان ينزعوا حدوده م السلاح
المعتدى مخلص لجهله
وإحنا أعداء النجاح
تعالو نبنى على الحدود
وسيبكو من شغل الهدد
مدينه حلوه ضروبها غنوة
يبقى إسمها سينا البلد
المدينة .. تولد قرى ..
تولد بلد .. تولد ولد
سينا جزء من الجسد
حزارى لو الجزء دا فسد
رحمة الله ع اللى مات
حافظوا ع اللى هيتولد
