سيدة من ذوى الهمم تستغيث بالرئيس من أملاك كفر سعد
بسم الله الرحمن الرحيم
أنا عفاف زين العابدين من محافظة دمياط مركز ومدينة كفر سعد، ارسل شكوى (لفخامة الريس ) أنا ليا قطعة أرض من 2001 وخداها بتنازل من إخواتى ،ومعايا الأوراق ومتسجلة فى أملاك كفر سعد فى 2018، رحت بعد ما طلعت قسيمة وهما راحوا زوروها وإدوها لأخويا عشان يدو لأخويا قطعة الأرض اللى هيا خاصة بيا أنا.
وبناء على القسيمة اللى هما زوروها أخويا راح إشتكانى فى النيابة الإدارية والرقابة الإدارية والنيابة العامة ومجلس المدينة إن أنا مزورة الورق لإن أنا موظفة فى مجلس مدينة كفر سعد وإتهمنى بالتزوير والحمد لله القضية إتحفظت لعدم ثبوت الأدلة الحمد لله رب العالمين .
وما زال لحد دلوقتى الأملاك وعدينه إن هما يدولوا قطعة الأرض بتاعتى ودلوقتى فيه تقنين كل ما أروح عشان أدفع عشان أقنن قطعة الأرض ايجار 2022و 2023 رفضوا ..؟
والأستاذ ناصر قالى الموضوع لسه شغال فى المحاكم بالرغم إن الموضوع خلصان الحمد لله وأنا مسلماهم شهادة من الجدول وهما مطلعين ليا قسيمة 2020 وبعدها الوقتى معدش راضى يطلع لى قسيمة وبيقولى موضوعك منتهاشعشان يبعها لأخويا .
وأنا بناشد سعادة الريس التدخل لأن الأستاذ ناصر مش معترف بالنيابة العامة ولا بالمحافظة ولا الرقابة الإدارية ولا أى حاجة من دول
وبيقول : دول ملهمش قيمة عندى
محتاجة تدخل سعادتك ياريس
وأنا مش عارفة إيه اللى له قيمة عنده ، القيمة عنده إيه مش عارفه؟ فأنا محتاجة تدخل سعادتك ياريس لعل وعسى ساعتها يقول إن الأوراق سليمة وأنا بشكرر سعادتك ياريس ومعلش ياريس إنى لاجئة لسيادتك فى حجات بسيطه زى دى بس معلش إحنا ملناش غيرك ياريس .
شاهد الفيديو
