أصعب قرار

شعر: الدكتور محمد على النحاس

      غمازه فى خد الجميل آه يانا  … يانجم شارد فى السما سهران

والضحكة بين شفته ياخلق واخدانا ..على دنيا تانيه قبل الزمان بزمان

 وعيون بلون السما نايمه ونعسانا    ………. أصل الجمال محطوط لها عنوان

                                            ***

                الوش زى القمر ……………… تقولش مش انسانه

                ودمه مش شربات ……………  أحلى كتير بأمانه

               والرسم صقر فى علاه …………. وايه نَزِله ويانا

                                           ***

                  سحر العصا ياموسى ………       حلال دا ولا حرام

                 أسرْ الهوى للقلوب ………….     أسمى معانى الغرام

                والسحر عـالقلب قادر ………      فى الجد والاحلام

                                         ***

                  سهم الرموش ولو إنه باين ………. قاتل وصايب

                 أجمل مافيه بعد أما صاب     …….  زادوا الحبايب

                 ساكن فى قلبى بتشغله     ……….. لو حتى غايب

                                          ***

معنى الكلام ان الحبيب ………… ألقاه قُرَيب ولو بعيد

   والأعمى مش أعمى النظر ….. أعمى اللى قلبه من حديد

 مانا كنت ميت قبل منك ……….. وخلقنى حبك من جديد

يــــــــــااااااااااااااااااااه

السهم صابنى مرة تانية………….. بس الاصابه مش تمام

والقتل مش بس بسهام …………… القتل أصعب بالكلام

 كلامك كان صايب فى مقتل …….. ان احنا مش قد المقام

***

والاهانه فى الكرامه بجد صعبه  …………. الاهانة فى الكرامه بجد نـــار

      بس أصعب منها طبعاً لو أفكر ………….. ……. يبقى بينى وبينه تـــار

   قلبه كان ظالم وقاسى أما      …………… قلبى اللى اتجرحبه بقاله دار

أيوه قلبى اللى اتجرحبه بقاله دار

بقاله دار

 أصعب قرار

                                                                   مسامحك