الى ملـــهــمتــــــــــــــه… حاجه مش معقوله…

تخيل إنك سنين طويلة

بتسمع منها كلام مليان

كلام فارغ..

فجأة يتحول الكلام ده لإيه.. مش عارف.. احساس عجيب …

بطعم البراءة

غير إنى أقف أدامها..

أسمع..

واسمع ..

مش زهقان ..

عاوزها تتكلم .. ايوه تتكلم ..

نفس الكلام بسمعه .. وبفضل أسمعه…

عملت ايه امبارح.. لابسه ايه ..

مين جاب دى.. ومين ومين ..

دا كله …رغم انى عارف كل تفاصيل حياتها !!

صدقنى شعور غريب قوى قوى

عاوز أسمعها.. نفسى اسمعها

وأشوف الكلام بيخرج ازاى من شفايفها!!

ألاقى كلامها شكل تانى .. ايوه شكل تانى

حاجه مش معقوله.. حاجه مش معقوله..

العجيب أن الكلام ده.. هو نفس الكلام…

مبيتغيرش

كده …أنا فرحان.. عاوز أسمع ..منها كتير

وانا عارف إنه كلام عادى..

مش غزل.. ولا أشعار.. ولا حاجه مفيدة .. ولا شبه مفيده

غير إنه بيخرج من قلب جميل

وحنين

بيطمنى ..بيريحنى .. بيشيل عنى كتييير.. وخلاص ..

أنا مرتاح ..ايوه مرتاح

وخلاص

عاوز أسمع وهى بتحكى اللى حكته .. حاجه مش معقوله..

تقولش فتحت قلبى ودخلت قلبى

..أصل الحكايه .. ان الكلام ده بيحلالى وياه

ايوه وياه

لامتى هتفضل تسمع منها الكلام هو الكلام اللى يخليك تعيش وياه

ايوه وياه

وتقول يااااااه

عملت كده.. انت جميله.. انت عظيمة نفسى احطك جوا قلبى… على ايه مش عارف

هو انا عاوز اسمع منها ..طيب هتقولى اسمع من حد تانى

أقولك مش ممكن .. دا الكلام من حد تانى .. فعلا دا حاجه مش معقوله.

                                                                          محيى الهنداوى

م