طلعت مصطفى العواد

الفهلوى
بقلم / طلعت العواد
الواد ده نط فى كل مكان
عامل بقى ذى الألعبان
لا ذمه عنده ولا ضمير
ما بيركع ولا يلبى أدان
عامل نفسه مهم خطير
ومقضى مصالح كتير
معبى الأونطة فى شنطة
ويبيعها للغنى والفقير
على ودنه شايل كام تليفون
يقول استنى أكلم مسئولين
بيمثل عشان الفزيته تعلًّى
وياخد قرشين محينين
دايما عامل له القهوة محطة
على قفى الناس يشد الشقطة
يشتم ف إللى يعارض له بس
يقول أنا إللى بحط كل الخطة
كل شويّه لازق جنب المسئول
لما يشم معلومة أو أى قول
يجرى يبيعها بالألف والألفين
ويحلف إنه بطل حل الحلول
فوق يا عم انت بقى فوق
وخلّى عندك كده شوية ذوق
ده إنت فاشل ساقط إعدادية
ما تساوى القرش المخروق

طلعت العواد
مدينة السرو دمياط

ذات صلة: كيف تختار زوجتك.. بقلم / طلعت العواد

اترك تعليق

من فضلك، أدخل تعليقك!
من فضلك، أدخل اسمك