احباط بقلم : هارن نصر

ماهو الاحباط ؟ وكيف تتغلب عليه ؟

الإحباط هو وجود رغبة معينة لتحقيق هدف ما، والرغبة دي لا يتم تحقيقها ولا الهدف

كتير من الشباب بيكون مليان بالأمل، مؤمن بالعمل مستعد لبذل الجهد، متفوق في دراسته

عنده أهداف كبيرة مُصِر يحققها، وفجأة تلاقي الشاب ده أعرض عن كل حاجة وبدأ يترك

أهدافه وإقتنع بمقولة “مفيش فايدة”، هنا بيكون وقع في الاحباط واليأس من تحقيق

هدفه، صديقنا ده وصل للمرحلة دي لسببين إما توقعه لمساعدة من غيره محصلتش، أو

 توقعه لأحداث وردية برضه محصلتش، ولكن السبب الحقيقي في الإصابة بالإحباط

هو الإعتقادات الذهينة الخاطئة الراسخة عند غالبية الشباب، واللي بيطلق عليها عليماً

“التشوهات المعرفية”..عبارة عن أخطاء في التفكير ومنها “اللي يبتدي كبير يفضل

كبير”.. وإن الفرصة بتيجي مرة واحدة.! ياعزيزي كل لحظة بتمر عليك هي فرصة

جديدة ربنا بيهديها لك، كل منحة كانت في بدايتها محنة، والجبل الكبير تكون بمجموعة

ذرات، واللي حاصل على دكتوراه حصل عليها بعد إبتدائية وإعدادية وعدة شهادات، كل

حاجة في حياتنا مراحل وكل هدف كبير مُقسم لأهداف صغيرة لو إجتزت كل مرحلة

بنجاح هتكون مؤهل بقوة لإجتياز المرة اللي بعدها، إوعي تقول عمري ما حققت هدف،

حصولك على صحة كويسة هدف، وراحة نفسية هدف، وقبول إجتماعي هدف وغيرها..!

عشان تتغلب على إحباطك محتاج تتقبل عدة أمور أولها “الناس بتغير مني” ده طبيعي لأنك ناجح،

ويمكن كمان يعادوك رغم إنهم لو عرفوا إنت تعبت إزاي عشان تنجح كان هيتعاطفوا معك قبل

ما ينبهروا بك، الأمر التاني “ليه بيعملوا معايا كده” سيبك منهم ركّز على النتائج (فَلَا يَحْزُنكَ

قَوْلُهُمْ ۘ إِنَّا نَعْلَمُ مَا يُسِرُّونَ وَمَا يُعْلِنُونَ)،

الأمر التالت هو ثقتك بنفسك ونجاحك وجهين لعملة

واحدة، بمعنى لو واثقت في قدراتك حتماً هتنجح، ولو أصريت على النجاح ونجحت هتثق

في نفسك، إبدأ بأي منهما وهي هتوصلك للتانية.. وتذكر دايماً إنك مطالب تبحث عن

أفضل حاجة ممكنة لنفسك وإنك عايش عشان تكون سعيد بنجاحك